بصراحة مكنتش عايز اشارك
لأني حياتي كلها مقالب
ــــــــــــــــــــــــــــــــــــــــــ
في مرة أمي أدتني كيس زبالة
(ربنا يكرمكم) وقالتلي روح ارميه
نسيت ورحت طالع بيه على السوبر ماركت
////////////////
وفي مرة كنت في زيارة علمية في المتحف المصري مع الكلية
يعني150طالب وكنت في الفرقة الأولى
وكان المتحف مليان سياح من كل بلد يعني فضيحة ملهاش حل
المهم دخلنا قاعة الملك خوفو
اول ما دخلت شوفت غرفة النوم بتاعت أم الملك خوفو
بصراحة كانت تهبل تجنن سرير وتسريحة وصندوق للملابس والمجوهرات
كل الحجات دي خشب متغطي بالذهب
الغرفة كلها كانت جوا بترينة زجاجية وصاحبكم مش شايف
البترينة خالص ورايح بسرعة امسكت السرير
وعينك متشوف اللى النور
ططططططططخخخخخخخخخخخخ
وقعت على الارض وجهاز الانذار بتاع المتحف اشتغل
والناس كلها فضلت تضحك وتشاور عليا
شكلهم كانوا بيقولوا المجنون اه المجنون اه
ـــــــــــــــــــــــــــ
في اكتر من كده بس خايف تموتوا من الضحك